سلام عليكم ياحلـــــوين
معلش نزلت الموضوع ف اخر وقت ... بس غصب عنى والله برجع من الشغل اكل ومابتحركش من مكانى
ف النهارده يادوب رجعت من الشغل و قلت لا خلاص مفيش وقت بئا شدى حيلك
سميت واشتغلت
موضوعى النهارده عن خبز الشوربه
اقتبست الطريقه من موضوع توب شيف لان فعلا كان نفسى اجربه وحبيت اتحدى نفسى
اللينك
http://www.shamoa.com/vb/showthread.php?t=20329
المقادير :
دقيق
ماء
ملعقتين خميره
ملح
ملعقتين سكر
ملعقه نشا
الطريقه :
لازم قبل 12 ساعه نحضر كوب دقيق مع ملعقه خميره مع السكر و نحطهم ف التلاجه
ودى بعد ماخرجتها من التلاجه
وهنا حطيت عليها ملعقه الخميره التانيه و بدءت ازود دقيق شويه ف شويه
اول ماحسيت انها حتبدء تمسك حطيت ملعقه ملح صغيره
و كملت عجن و ف الاخر حطيت الزيت و سيبتها تتخمر نص ساعه <<< مكنش عندى وقت
هنا بعد ما اتخمرت
حطيت دقيق ع الرخامه و بدءت اعملها كور
انا عملتها كورتين
و قلبت ملعقه النشا ف ربع كوب ماء ودهنت بيها العجينه من برا <<< عشان القشره الخارجيه تكون ناشفه و بتقرمش
ماعلينا
دى شكلها لما طلع من الفرن 
هنا جبت السكين المشرشره و قطعتها من فوق بعدين فرغتها شويه بالملعقه
وحطيت شوربه فراخ بالمشروم
حنزل طريقتها بعدين بردو
النتيجه النهائيه :
تقييمى :
الطعم : والله خطيـــــــــر من جوا هــــــــــش ومن برا مقرمش حاجه كدا روعه
وماتوقعتش ان النتيجه تكون تحفه كدا
اختى بتقولى كدابه ده جاهز
الشكل :
- غلطت ف حاجه ان المفروض كان افتح شويه بالسكين من فوق قبل ما ادخلها الفرن عشان الشكل يطلع مظبوط مايكونش متلغبط كدا
- بس بأمانه هو حاجه كدا تجنن وجديده للتقديم ومبهره
الدرس اللى اتعلمته :
1- التجربه خير دليل على النجاح او الفشل <<< ياواد ياجامد انته
2- المره الجايه حعمله اصغر من كدا لانه كبير اوى ومقدرتش اكمله
ودمتـــ سالمين ـــم
